AN MIRANDÉS | Literatura em Língua Mirandesa

PVP: 9,90 €
Internet: 8,91 € (-10%)

L ANCUONTRO

Valter Deusdado


«Esta pequeinha nobela de Valter Deusdado ye una de las purmeiras que se scríben i publícan an mirandés. Anque agarrado a temas de la bielha sociadade rural, que bien conhece, Valter Deusdado trai pa la sue scrita la guerra quelonial, por adonde tamien andubo anquanto marineiro.

Sinte-se ne l amor eiterno que las figuras de la scrita de Valter Deusdado guárdan unas an relaçon a las outras, l bruar dun tiempo que yá nun eisiste de l mesmo modo, mas an que l outor amostra bien que a todo l tiempo acaba por bencir, la guerra muita mudança puode traier i muitas traigédias, mas l amor acaba por subertir a todo esso. Ye este un modo de ber las cousas mui própio de Valter Deusdado, que acradita na regeneraçon de la maldade i que faç siempre l bien subertir al mal, numa bision outimista de la bida i de la stória que mos faç sentir bien cun eilha i cun nós.»

Amadeu Ferreira
Director da Colecção
An Mirandés


Valter Augusto Deusdado, naciu a 4 de febreiro de 1952, an Zenízio, cunceilho de Miranda de l Douro. Ende fizo la scuola purmária, ajudando ls pais nas lhidas de l campo. Até als dezassiete anhos fui fazendo todo l que era la lhida de lhabradores, mas debrebe tubo gana de coincer l Mundo i mudar de bida. Ye cun essa eidade que bai pa la Marina. Ende fai ls studos para salir cergento cun 22 anhos, al miesmo tiempo fai todo l curso de ls liceus. Mas cuntina a tener ganas de saber mais i por esso se matricula ne l Anstituto Superior Técnico, adonde se formou an angenheiro. Na Marina cuncuorre al curso de oufeciales i ye nessa culidade que bai a coincer muito Mundo, chubindo andrento la marina até la patente de capitan de mar i guerra. La lhigaçon a las ouriges fui siempre mui fuorte i lhougo que tubo ouportunidade de daprender a screbir l Mirandés, sue lhéngua de nino i de la mocidade, nun parou mais. La scrita era una cousa que siempre l zlhumbrara, por poder cumponer las palabras i ‘cun eilhas amanhar cuontas, mais ou menos lhargas, algunas deilhas publicadas an blogues de Lhéngua Mirandesa i ne l Jornal Nordeste.

Excerto
Nº de Páginas: 68 | Formato: 14,8 x 21 cm | ISBN: 978-989-677-068-6

SE GOSTOU DESTE LIVRO, TAMBÉM RECOMENDAMOS


L PURMEIRO LIBRO DE BERSOS
Fonso Roixo


NUOBAS FÁBULAS MIRANDESAS
Faustino Antão



TORTULHAS
Alfredo Cameirão

© 2011, Zéfiro - Edições e Actividades Culturais