AN MIRANDÉS | Literatura em Língua Mirandesa

PVP: 10 €
Internet: 9 € (-10%)

L MAIS ALTO CANTAR DE SALOMON

Fracisco Niebro


Bersion mirandesa de Fracisco Niebro

«Esta nun ye ua traduçon de l oureginal heibraico, lhéngua que nun admonino, mas ua bersion que assenta na traduçon de Frei Luis de León, El Cantar de los Cantares, feita alredror de 1561 i a pedido de Isabel Osorio, monja de l Cumbento de l Sprito Santo de Salamanca. Dízen que un fraile que trataba de la cela del lo copiou i apuis outras cópias se fazírun. Nun se deixában, nessa altura, publicar lhibros de la Bíblia an lhéngua que nun fura l lhatin pus, cumo screbiu l teólogo Alfonso de Castro, esso era ‘tertia haereseum parens et origo’, quier dezir, ‘la terceira fuonte de las heiresies’, acrecentando: ‘Cumo las traduciones de ls lhibros sagrados pa las lhénguas bulgares tráien mais danho que la lheitura de ls filósofos paganos, cun rezon se ampíden, anque nun haba nanhue proibiçon.’ La berdade ye que Frei Luís de León acabou por ser preso pula anquesiçon i antre las rezones de ser preso stá la de haber traduzido aquel lhibro de la Bíblia.

Chamo-le ua bersion puis, sien scapar al rigor de l sentido i letra de l ouregional, tube subretodo l’eideia de fazer obra poética, cunsante critérios mui própios.»

Fracisco Niebro


Fracisco Niebro ye un pseudónimo de Amadeu Ferreira (Sendin, 1950) que ten publicado bárias obras an lhéngua mirandesa cun esse pseudónimo, de que se çtácan: Cebadeiros (poesie, Campo das Letras, 2000), L Ancanto de las Arribas de l Douro (poesie, INA-Parque do Douro Internacional, 2001), Las Cuontas de tiu Jouquin (cuontas, Campo das Letras, 2001), Cula Torna Ampuosta Quienquiera Ara / Em Cama feita Qualquer um se Ajeita (poesie, Tema, 2004), Pul Alrobés de ls Calhos / Por dentro dos calos (poesie, Fluviais, 2006), L Filico i l Nobielho (cuonta para ninos, Eidiçones Chinchin, 2004), L Segredo de Peinha Campana (cuonta, Gailivro, 2008), La Bouba de la Tenerie (remanse, Âncora Editora, 2011). Tamien assinou algues traduçones, de que que se çtácan Ls Lusíadas, de Luís de Camões (Âncora Editora, 2010) i Mensaige, de Fernando Pessoa (nesta coleçon, 2011). Para alhá de outras obras de Fracisco Niebro, Amadeu Ferreira ten benido a publicar muitas outras obras, tanto an mirandés cumo an pertués, seia cun sou próprio nome seia cun outros pseudónimos.

Nº de Páginas:72 | Formato: 14,8 x 21 cm | ISBN: 978-989-677-070-9

SE GOSTOU DESTE LIVRO, TAMBÉM RECOMENDAMOS


L PURMEIRO LIBRO DE BERSOS
Fonso Roixo


MENSAIGE
Fernando Pessoa


TORTULHAS
Alfredo Cameirão

© 2012, Zéfiro - Edições e Actividades Culturais