AN MIRANDÉS | Literatura em Língua Mirandesa

PVP: 12 €
Internet: 10,80 € (-10%)

L PASTOR QUE SE METIU DE MARINEIRO

Faustino Antão


«Ampressiona l modo franco i abierto cumo l outor fala de la sue bida i de ls sous, cun muita berdade znuda i cruda, ponendo muita lhuç a rasgar ls tiempos scuros de la sue nineç i mocidade, probes i amarfanhadas, fuora de l mundo, tacanhas i acanhadas, chena de anjustícias i de deficuldades i an que nun era fácele subrebibir.

A la par de todo esto, Faustino Antão cuntina mos a dar ua lhiteratura cada beç mais depurada, cun un modo de screbir mui caratelístico, de cuntador i comentador al mesmo tiempo, a fazer mos lembrar cierto modo de screbir mediabal que stá siempre a arressaiar por muitos assuntos, que lo agárran cumo las cereijas, mas que nunca le perde l filo a la meada.»

Amadeu Ferreira
Diretor de la Coleçon An Mirandés


Faustino Ramos Anton naciu l 25 de Júlio de 1949, an Zenízio, cunceilho de Miranda de l Douro. Eiqui fizo la scuola purmária i bibiu até als 16 anhos, de todo fazendo na lhida de l campo, zde buieiro a pastor i lhabrador. Cun 16 anhos eimigrou, a salto, para Oubiedo, Stúrias, Spanha, adonde fizo de pinche nua presa i de lhagareiro nun lhagar de sidra. Als 17 anhos fui de beluntairo pa la Marina. A trabalhar, fizo l curso cumplementar de ls liceus. Stá hoije reformado i l nieto Afonso i la sue percipal acupaçon. Bibe ne l cunceilho de l Seixal, fraguesie de Corroios. Habendo deixado de poder falar la sue lhéngua, a eilha tornou i daprendiu a screbi-la hai pouco tiempo, nunca mais parando. Hoije ten testos spalhados por bárias publicaçones i blogues, an special ne l Jornal Nordeste (Bragança, an www.frolesmirandesas.blogspot.com i www.nialdelaboubielha.org. Stá repersentado na antologie A Terra de Duas Línguas, IPB / Associação das Universidades Portuguesas / Academia de Letras de Trás-os-Montes, Bragança (cordenaçon de Ernesto Rodrigues i de Amadeu Ferreira, este na parte mirandesa). La sue perduçon lhiteraira stá ne l Belume I de la Bibliografia do Distrito de Bragança – Série Escritores, Jornalistas, Artistas, de Hirondino da Paixão Fernandes (Câmara Municipal de Bragança, pp. 561-564).

Nº de Páginas: 108 | Formato: 14,8 x 21 cm | ISBN: 978-989-677-090-7

DO MESMO AUTOR


NUOBAS FÁBULAS MIRANDESAS

SE GOSTOU DESTE LIVRO, TAMBÉM RECOMENDAMOS


MENSAIGE
Fernando Pessoa


LS BERSOS DE JANTONHO
José António Esteves


TORTULHAS
Alfredo Cameirão

© 2012, Zéfiro - Edições e Actividades Culturais