AN MIRANDÉS | Literatura em Língua Mirandesa

PVP: 10 €
Internet: 9 € (-10%)

TORTULHAS

Alfredo Cameirão


CUONTAS DESTE MUNDO E DE L OUTRO

«Alfredo Cameirão ten la grande arte de agarrar nun feito ou pequeinha lhona ou personaige yá coincidos i anriba deilhes muntar ua cuonta, de pura ficçon, mas cun anguerdientes tales que até parece ua recuolha de lhiteratura popular.

Alfredo Cameirão aplica ls sous recursos de cuntador de cuontas a la sue mimória de nino, dua ouserbaçon que agarrou la eisséncia de bários tipos sociales i de las andanças de la bida. La sue capacidade de fazer rir mete-mos por situaciones an que ua fina eironie ben arriba, i cunseguindo trasmitir-mos situaçones i personaiges carregadas de fondo eirotismo, cumo naide até agora l habie feito, scamugindo las situaçones dun cierto moralismo que nun arrepassa la casca de las cousas.

Cun Alfredo Cameirão la arte de cuntar an mirandés dá un salto que arrepassa ls piquetes mais altos a que habie chubido até agora. Quedamos a spera de la cuntinaçon.»

Amadeu Ferreira
Director da Colecção
An Mirandés


Alfredo Cameirão ye Garrote por bias de haber nacido an San Pedro de la Silba, Tierra de Miranda, hai uns 40 anhos. Studou an Miranda, an Bergáncia, ne l Porto i an Braga, para ser porsor de Pertués i de Anglés. Yá dou scuola an todos ls çtritos de l riu Douro para riba. Persidente de la Junta de San Pedro de la Silba (1994 i 2002), fai parte de la Assemblé Municipal de Miranda i ten sido l Persidente de la Direçon de la Sociatiba Cultural i Recreatiba de San Pedro. Trabalha ne l CNO de l Campus Académico de Macedo de Cabaleiros de l Anstituto Piaget, cumo formador de Lhenguaige i Quemunicaçon i de Cidadanie, drento de l porjeto de las Nuobas Ouportunidades. Eiqui tubo la ouportunidade de guiar i l porcesso de ls purmeiros dous mirandeses que tubírun un certificado scolar – 9º anho – ne l porcesso RVC, cun uso sclusibo de la lhéngua mirandesa cumo ferramienta de trabalho. Cumo ye filho de porsora i biznieto de padre, l mirandés que fala i scribe buiu-lo a cerruchos na rue i pul termo cun ls camaradas i cun las pessonas de l pobo ou ne ls seranos de ambierno, cun ls bezinos i ls amigos. Ye esse Mirandés que stá neste lhibrico.

Índice Excerto
Nº de Páginas: 68 | Formato: 14,8 x 21 cm | ISBN: 978-972-8958-94-7

SE GOSTOU DESTE LIVRO, TAMBÉM RECOMENDAMOS


L PURMEIRO LIBRO DE BERSOS
Fonso Roixo


LS BERSOS DE JANTONHO
José António Esteves


TORTULHAS
Alfredo Cameirão

© 2009, Zéfiro - Edições e Actividades Culturais